სკოლის ხელმძღვანელობა კომპლექსური პროცესია და გულისხმობს ისეთ მიმართულებებს, როგორიცაა (ა) მოსწავლეების წარმატებაზე ორიენტირებული ხედვის შექმნა; (ბ) სწავლისთვის ხელსაყრელი გარემოს შექმნა; (გ) ლიდერების შექმნა და მხარდაჭერა; (დ) სწავლების გაუმჯობესება; (ე) პერსონალის, მონაცემებისა და პროცესების მართვა. ფილმში ნაჩვენებია, თუ როგორ მუშაობენ საქართველოს საჯარო სკოლის ხელმძღვანელები თითოეული მიმართულებით და რას აკეთებენ იმისთვის, რომ მათმა მოსწავლეებმა შეძლონ საკუთარი პოტენციალის სრულფასოვნად რეალიზება.

საკლასო დაკვირვება და მასწავლებლისთვის მიწოდებული კონსტრუქციული უკუკავშირი სწავლისა და სწავლების გაუმჯობესების ერთ-ერთი ეფექტური ინსტრუმენტია. ფილმში ნაჩვენებია, თუ როგორ ესწრება სკოლის დირექტორი ქართულის ენის გაკვეთილს, რას აკვირდება მისი მსვლელობის დროს და უკუკავშირის საშუალებით როგორ ეხმარება მასწავლებელს სწავლების გაუმჯობესებასა და მოსწავლეების სწავლის შედეგების ამაღლებაში.