თქვენ იმყოფებით გვერდზე : რესურსები ფასილიტატორებისთვის

მოცემულ სივრცეში მოთავსებულია რესურსები მასწავლებელთა სასწავლო ჯგუფების ფასილიტატორებისთვის. აღნიშნული ბლოკი მოიცავს შემდეგ განყოფილებებს:

ვიდეორესურსები მასწავლებელთა სასწავლო ჯგუფის ფასილიტატორებისთვის

მასწავლებელთა სასწავლო ჯგუფის მუშაობა: ერთობლივი გაკვეთილი

ფილმში ნაჩვენებია ერთობლივი გაკვეთილის სამივე ეტაპი: (1) მასწავლებლები ფასილიტატორის ხელმძღვანელობით ერთად გეგმავენ ქართულის გაკვეთილს; (2) დაგეგმვის შემდეგ ერთ-ერთი მასწავლებელი ატარებს გაკვეთილს, დანარჩენები კი აკვირდებიან მსვლელობას; (3) დასასრულს მასწავლებლები ანალიზებენ მათ მიერ ჩატარებულ გაკვეთილს და აჯამებენ გამოცდილებას.

მასწავლებელთა სასწავლო ჯგუფის შეხვედრა: სასწავლო სიტუაციის ანალიზი

ფილმში მასწავლებლები განიხილავენ მეხუთე კლასის სასწავლო სიტუაციას მათემატიკაში. ისინი სიღრმისეულად აანალიზებენ მოსწავლეების წინაშე არსებულ პრობლემებს წილადებთან მიმართებით და ერთობლივი ძალისხმევით ცდილობენ დადგინონ ამ სირთულის განმაპირობებელი ფაქტორები. შემდეგ კი მასწავლებლები მსჯელობენ იმ სტრატეგიების შესახებ, რომლებიც დაეხმარება მოსწავლეებს სირთულეების დაძლევასა და სასწავლო საკითხის უკეთესად გააზრებაში. ფილმში ასევე ნაჩვენებია მასწავლებელთა სასწავლო ჯგუფის ფასილიტატორის მიერ შეხვედრის ეფექტურად წარმართვის სტრატეგიები.

მასწავლებელთა სასწავლო ჯგუფის შეხვედრა: მონაცემთა ანალიზი

ფილმში მასწავლებლები ერთობლივად აანალიზებენ ერთ-ერთი კლასის დიაგნოსტიკური ტესტირების შედეგებს კითხვაში. ისინი მსჯელობენ მოსწავლეების ძლიერ და სუსტ მხარეებზე და თანხმდებიან ახალ სასწავლო მიზნებზე. დასასრულს, მასწავლებლები ერთობლივად მსჯელობენ მათ მიერ დასახული მიზნების მისაღწევად საჭირო სტრატეგიებისა და მათი განხორციელების მონიტორინგისა და შეფასების შესახებ. ფილმში ასევე ნაჩვენებია მასწავლებელთა სასწავლო ჯგუფის ფასილიტატორის მიერ შეხვედრის ეფექტურად წარმართვის სტრატეგიები.